LOST & FOUND

番學前留影~~ 

上完Self Lap，快快食完午餐，

就出發去陳興社區中心探訪，意想不到的是夾錢搭的士?!

去到陳興社區中心(我有個舊同學叫”陳慶X”，所以一講起就覺得好笑。)，

在社工介紹的那段時間，我睡到昏迷。

之後發現比Billy 偷拍了我有型的睡相，仲要勒索我??

咁樣算唔算侵犯左我私隱??

今日的705好正呀，Michelle 姐姐話今次敬拜要做新事，

真係覺得裡面Free左好多，唔理自己既感覺，唔理其他人，

由心內發出只愛耶穌~~~Only One!!!!!!

(閱讀全文)

終於都完成哂Calvin 同Peggy 既婚禮啦………

超級多謝主!!!!!!!祝福他們兩口子幸福美滿!!!!!!!!Amen!

第一次做兄弟，第一次係咁多人面前帶遊戲，

好彩阿Keith隊長幫幫手，但係我都要好好自己學習一下，

對我做社工有好大幫助，增加多D經驗都好!

踩足成日早到晚，累的程度應該比Calvin 差少少，

但係依家出奇地精神wo~~仍然好High??

好啦，今日既詳情寫係星之日記上，

太多震撼的事情了…….

今天在課室上課途中，

收到媽媽的消息說:公公已經離開了世界。

心裡沒有什麼的波動，大慨是已作好了心理準備，

知道這一天很快會來臨。

明早要出發前往汕頭，

回來後才寫寫文章吧，說說我的公公!

生命是……

差唔多晏晝三點幾，阿基陪我去了旺角買袋，其實揀袋個過程都幾搞笑，

係”潮特”睇中左一個袋，係舖入面試左三隻色，覺得白色好睇d。

但係最後同個sales 講都係考慮下先，佢聽到都好愕然，跟住就走左啦。

我同基去到”Chic 之堡”，見到有間舖頭有得買o個個袋，就入去睇下，個價錢一樣，

之後問佢有無得平d，佢就話比九折我，咁就買左啦，同阿基傾番，如果我帶坐個袋去番潮特，

個女sales會唔會激到生蝦咁跳，或者call人打我呢?哈哈…..

跟住再同阿基去瓊華行，每人買左兩件，本來買二送一，但係我地竟然唔要寧願叫佢計平d，

落到流下，我地傾番其實都唔知點解會咁做，送一件當然底d啦~~搞笑!!!!!!

行到5點幾就去灣仔會合Ben行書展，六點半價入場，正!

對個d愛情小說完全沒有興趣，因為對我尼講係唔好既書藉，依家係新人啦!!

今日最大收獲係我，係個到買左D禮物送比弟兄姊妹~~

行到差唔多九點半就一齊搭叮叮去銅仔食野，

雖然今日睇落去好充實，但係其實係玩多。

(閱讀全文)

(閱讀全文)

(閱讀全文)

沉日，本來約左阿Ben、基、財、達明去跑步，點知得阿Ben同我一齊跑。

係維園跑左一個圈，已經上氣不接下氣，兩三個月無運動過，緊係會弱d!

跑完步，大約八點到同阿基、阿Ben去左新都食印尼野，食完野行左陣時代，跟住就去左世貿打機。

一入到去就玩R Run2，第一局順利贏左阿基，感覺好好，之後對阿Ben，

終於…終於…….都贏左阿Ben啦~~~~~~!!!!!!!打左咁耐日子，都唔知同阿Ben打左幾多舖，輸左幾多場，

今日終於一報多戰之仇呀!!!!感覺好似贏左世界盃咁。

打完機，同佢地兩個加埋達明一齊去惠康買野食番屋企睇波。

開左波無幾耐，我既至愛施丹就入左球十二碼，之後又比意大利追平，成場波兩隊都無放鬆過，超緊張刺激互有攻守，

去到接近延長賽的階段尾聲，施丹竟然…….

當時我由滿面笑容，立刻變成神情呆滯，頭上出現了一個大問號???

最後，唉……意大利憑十二碼勝了法國。

真係好矛盾既一天，打機終於贏左阿Ben，而法國卻輸得咁唔底!!!!!!

其實我都唔係好鍾意睇波，睇世界盃既原因都係因為施丹，佢就係咁因為一時意氣，令佢既足球生涯畫不上完美既句號。

隨著他的退出，這也是我最後一年看的世界盃。

一代球王施丹的足球藝術，是沒有人可以取代得到的。