LOST & FOUND

法 國 總 統 希 拉 克 在 午 宴 期 間 ， 對 施 丹 仍 衷 心 讚 賞 ， 希 拉 克 說 ： 「 施 丹 是 一 個 藝 術 家 、 世 界 足 球 的 天 才 ； 亦 是 一 個 有 勇 氣 、 有 承 諾 、 有 信 念 的 男 子 漢 ， 全 國 也 欣 賞 他 、 喜 愛 他 。 」 但 法 國 隊 以 沒 有 心 情 為 理 由 ， 取 消 原 定 周 一 下 午 在 香 榭 麗 舍 大 道 舉 行 的 祝 捷 巡 遊 ， 只 在 官 邸 露 台 ， 向 支 持 者 作 簡 單 致 謝 。

雖然你在告別賽上的行為是負面的，但你是在很多人的心目中–永遠的足球藝術家。

沉日，本來約左阿Ben、基、財、達明去跑步，點知得阿Ben同我一齊跑。

係維園跑左一個圈，已經上氣不接下氣，兩三個月無運動過，緊係會弱d!

跑完步，大約八點到同阿基、阿Ben去左新都食印尼野，食完野行左陣時代，跟住就去左世貿打機。

一入到去就玩R Run2，第一局順利贏左阿基，感覺好好，之後對阿Ben，

終於…終於…….都贏左阿Ben啦~~~~~~!!!!!!!打左咁耐日子，都唔知同阿Ben打左幾多舖，輸左幾多場，

今日終於一報多戰之仇呀!!!!感覺好似贏左世界盃咁。

打完機，同佢地兩個加埋達明一齊去惠康買野食番屋企睇波。

開左波無幾耐，我既至愛施丹就入左球十二碼，之後又比意大利追平，成場波兩隊都無放鬆過，超緊張刺激互有攻守，

去到接近延長賽的階段尾聲，施丹竟然…….

當時我由滿面笑容，立刻變成神情呆滯，頭上出現了一個大問號???

最後，唉……意大利憑十二碼勝了法國。

真係好矛盾既一天，打機終於贏左阿Ben，而法國卻輸得咁唔底!!!!!!

其實我都唔係好鍾意睇波，睇世界盃既原因都係因為施丹，佢就係咁因為一時意氣，令佢既足球生涯畫不上完美既句號。

隨著他的退出，這也是我最後一年看的世界盃。

一代球王施丹的足球藝術，是沒有人可以取代得到的。